Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 20, 2026
21 ફેબ્રુઆરી આજનું દિન વિશેષ
February 20, 2026
આંતરરાષ્ટ્રીય માતૃભાષા દિવસ
આંતરરાષ્ટ્રીય માતૃભાષા દિવસ
2026 થીમ:
The theme for International Mother Language Day 2026
(celebrated on February 21) is
“Youth voices on multilingual education.”
2025 થીમ:
International Mother Language Day
2025 theme :
Silver Jubilee Celebration of International Mother Language Day
આંતરરાષ્ટ્રીય માતૃભાષા દિવસ
(International Mother Language Day) આંતરરાષ્ટ્રીય માતૃભાષા દિવસ પાછળનો મુખ્ય ઉદ્દેશ ભાષા અને સંસ્કૃતિની વિવિધતાને સન્માન આપવું તથા બહુભાષાવાદને પ્રોત્સાહન આપવું છે. દુનિયાભરના દેશોમાં માતૃભાષાનું જતન કરવા માટે આંતરરાષ્ટ્રીય કક્ષાએ દર વર્ષે 21મી ફેબ્રુઆરીએ આંતરરાષ્ટ્રીય માતૃભાષા દિવસ તરીકે ઉજવણી કરવામાં આવે છે. નવેમ્બર 1999માં યુનેસ્કોએ વૈશ્વિક સ્તરે માતૃભાષા દિવસ ઉજવવાનું નક્કી કર્યું હતું. આ પછી ઈ.સ. 2000થી દર વર્ષે 21મી ફેબ્રુઆરીએ માતૃભાષા દિવસ ઉજવવામાં આવે છે. તેની પાછળનો મુખ્ય ઉદ્દેશ ભાષા અને સંસ્કૃતિની વિવિધતાને સન્માન આપવું તથા બહુભાષાવાદને પ્રોત્સાહન આપવું છે
21 ફેબ્રુઆરીએ આંતરરાષ્ટ્રીય માતૃભાષા દિવસની ઉજવણી કેમ?
ઢાકા યુનિવર્સિટીના સ્ટુડન્ટ્સ અને સામાજિક કાર્યક્રતાઓએ તત્કાલીન પાકિસ્તાન સરકારની ભાષા નીતિનો 21 ફેબ્રુઆરી, 1952માં વિરોધ કર્યો હતો. તેમનું પ્રદર્શન પોતાની માતૃભાષાના અસ્તિત્વને બચાવવાનું હતું. પ્રદર્શનકારીઓએ બંગાળી ભાષાને સત્તાવાર દરજ્જો આપવાની માંગણી કરી રહ્યા હતા. પાકિસ્તાનની પોલીસે પ્રદર્શનકારીઓ પર ગોળીઓ વરસાવી હતી પણ વિરોધ અટકવાની જગ્યાએ વધુ ઉગ્ર બન્યો હતો. આ કારણે સરકારે બંગાળી ભાષાને સત્તાવાર દરજ્જો આપવો પડ્યો હતો. આ આંદોલનમાં શહીદ થયેલા યુવાઓને શ્રદ્ધાંજલિ આપવા માટે યુનેસ્કોએ નવેમ્બર, 1999માં આંતરરાષ્ટ્રીય માતૃભાષા દિવસ ઊજવવાનો નિર્ણય લીધો. ત્યાર બાદ આંતરરાષ્ટ્રીયભરમાં 21 ફેબ્રુઆરીએ આંતરરાષ્ટ્રીય માતૃભાષા દિવસ તરીકે ઉજવવામાં આવે છે
માતૃભાષાનો અર્થ શું?
બાળકને માતા તરફથી મળેલી ભાષા, પરિવારમાં બોલાતી ભાષા એટલે માતૃભાષા. જે ભાષામાં વિચારવાનું, લાગણીઓ અનુભવવાનું, તેમજ લાગણીઓ અને વિચારો પ્રદર્શિત કરવાનું બાળક શીખ્યું તે ભાષા એટલે માતૃભાષા. બાળકને માતા તરફથી મળેલી ભાષા, પરિવારમાં બોલાતી ભાષા એટલે માતૃભાષા. જે ભાષામાં બાળક હસ્યું, રડ્યું, જે ભાષાનો શબ્દ બાળકે સૌપ્રથમ સાંભળ્યો, કાલુ-કાલુ બોલવાનો પ્રયત્ન જે ભાષામાં બાળકે કર્યો, બાદમાં તે ભાષાનું શબ્દભંડોળ સમૃદ્ધ થવાથી તેના પર પ્રભુત્વ આવ્યું, જે ભાષામાં વિચારવાનું, લાગણીઓ અનુભવવાનું, તેમજ લાગણીઓ અને વિચારો પ્રદર્શિત કરવાનું બાળક શીખ્યું તે ભાષા એટલે માતૃભાષા.
આપણી માતૃભાષા ગુજરાતીનું મહત્ત્વ શા માટે?
બાળકો અંગ્રેજી ભાષામાં શિક્ષણ લેતાં થયા તેથી ગુજરાતી લખતા-વાંચતા ભૂલી ગયા. 'ભાષા જાય તો સંસ્કૃતિ જાય' એ ન્યાયે માતૃભાષાની સાથે-સાથે ભારતીય સંસ્કૃતિનું અસ્તિત્વ જોખમમાં મુકાયું. બાળકોને અંગ્રેજી માધ્યમની શાળામાં કોણ મૂકે છે? તેમના વાલીઓ. શા માટે? 'અંગ્રેજી લખતા, બોલતા, વાંચતા આવડતું હશે તો બાળકોનું ભવિષ્ય ઊજળું છે' એવી સમજણ હોવાથી. શાળા અને ટ્યુશન ક્લાસીસ સિવાયના સમયમાં પોતાના પરિવારના સભ્યો, મિત્રો, સગાં-વ્હાલાઓ સાથે માતૃભાષામાં વ્યવહાર કરતો બાળક ગુજરાતી ભૂલી જાય એવું બને છે કારણ કે શાળા સિવાય બાળકને ગુજરાતીમાં બોલવા તેમજ સાંભળવા તો મળે છે પરંતુ લખવા કે વાંચવાની તાલીમ મળતી નથી.
હાલમાં એક ચીલો ચાલી રહ્યો છે, અંગ્રેજી બોલતા આવડે એટલે હોશિયાર, સ્માર્ટ. પણ એ મૂર્ખ લોકોનું અજ્ઞાન છે, કારણકે અંગ્રેજી એ એક મામુલી ભાષા છે, કોઈ જ્ઞાન નથી.
લગભગ તમામ દેશોમાં ગુજરાતી પરિવારો વસે છે. આપણા માટે ગર્વની વાત એ છે કે, માત્ર પૃથ્વી પર જ નહીં પરંતુ, અંતરિક્ષમાં પણ ગુજરાતી મૂળનાં લોકો પહોંચી ગયા છે. આપણાં ગુજરાતી કવિ એ પોતાની સુંદર કાવ્ય રચનામાં ઉલ્લેખ કર્યો છે કે, જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત..જ્યાં જ્યાં બોલાતી ગુજરાતી, ત્યાં ત્યાં ગુર્જરીની મહોલાત..!!
ગુજરાતી ભાષા સામેના પડકારો ?
આજના જમાનામાં અંગ્રેજી મીડિયમમાં ભણાવવાનો ક્રેઝ વધ્યો છે. ઘરે બધા ગુજરાતી બોલતા હોવા છતા દરેક માતા-પિતા પોતાના બાળકને અંગ્રેજી મીડિયમમાં મુકવાનો આગ્રહ રાખે છે. અંગ્રેજી લખતા, બોલતા, વાંચતા આવડતું હશે તો બાળકોનું ભવિષ્ય ઊજળું બનશે તેવી આશામાં પણ અંગ્રેજી મીડિયમમાં મોકલવામાં આવે છે. બાળકો અંગ્રેજી ભાષામાં શિક્ષણ લેતાં થતા ગુજરાતી લખતા-વાંચતા ભૂલી રહ્યા છે. કોઇ રેસ્ટોરન્ટમાં કે જાહેર જગ્યાએ પણ ગુજરાતીના બદલે હિન્દીમાં વાત કરતા જોવા મળે છે. માતૃભાષા આવડતી હોવા છતા તે વાત કરવાનું ટાળે છે. હાલમાં ઘણાં લોકો એવું માને છે કે અંગ્રેજી બોલતા આવડે એટલે હોશિયાર. પણ એ ભૂલી જાય છે કે અંગ્રેજી પણ એક ભાષા જ છે.
હિન્દી આંતરરાષ્ટ્રીયની ત્રીજી સૌથી બોલાતી ભાષા
વર્લ્ડ લેન્ગવેજ ડેટાબેઝના 22મા સંસ્કરણ ઇથોનોલોજ મુજબ આંતરરાષ્ટ્રીયભરની 20 સૌથી બોલાતી ભાષાઓમાં છ ભારતીય ભાષાઓ છે, જેમાં હિન્દી ત્રીજા સ્થાન પર છે. આંતરરાષ્ટ્રીયભરમાં 61.5 કરોડ લોકો હિન્દી ભાષાનો ઉપયોગ કરે છે. હિન્દી પછી બંગાળી આંતરરાષ્ટ્રીયભરમાં બોલાતી ભાષાઓમાં સાતમા સ્થાને છે. આંતરરાષ્ટ્રીયભરમાં 26.5 કરોડ લોકો બંગાળી ભાષાનો પ્રયોગ કરે છે. 17 કરોડ લોકોની સાથે 11મા ક્રમો ઉર્દૂનું સ્થાન છે. 9.5 કરોડ લોકોની સાથે 15મા સ્થાને મરાઠી છે. 9.3 કરોડની સાથે 16મા ક્રમે તેલુગુ અને 8.1 કરોડ લોકોની સાથે 19મા ક્રમે તમિળ ભાષા આવે છે. આપણા ભારતમાં જ 22 માન્ય ભાષાઓ ઉપરાંત 1635 ભાષાઓ પણ છે.
2023 માતૃભાષા દિવસ થીમ – Vishv Matrubhasha divas Theme
દરેક વર્ષે અલગ અલગ થીમ ઉપર આંતરરાષ્ટ્રીય માતૃભાષા દિવસની ઉજવણી કરવામાં આવે છે. આ વર્ષ 2023 માતૃભાષા દિવસ થીમ Vishv Matrubhasha divas Theme : ‘’Multi lingual Education-A Necessity to transfor ’’ Education (બહુભાષી શિક્ષણ – શિક્ષણને બદલવાની જરુરીયાત) છે.
માતૃભાષાની વિશેષતાઓ
▪આપણને વિચારો માતૃભાષામાં જ આવે છે.
▪આપણને સપનાં પણ માતૃભાષામાં જ આવે છે.
▪માતૃભાષા હૈયે છે ને તરત હોઠે આવે છે.
▪આપણે કોઈ પણ ભાષામાં વાંચીએ કે સાંભળીએ પણ સમજીએ છીએ અને યાદ રાખીએ છીએ માતૃભાષામાં.
▪હાથ કરતાં પણ વધુ હાથવગી માતૃભાષા છે.
મને ફાંકડું અંગ્રેજી લાગણીના જળ વડે મર્દન કરું છું,
શબ્દો કાગળ પર ઘસી ચંદન કરું છું,
બે ગઝલ, બે કવિતાના પુષ્પો અર્પણ કરી,
પ્રથમ માતૃભાષાને વંદન કરું છું.
- પિનાકીન ઠાકોર
ન આવડવાનો અફસોસ નથી,
પણ મને કડકડાટ
ગુજરાતી આવડવાનો ગર્વ છે.
- કવિ નર્મદ
મેં તારા નામનો ટહુકો અહીં છાતીમાં રાખ્યો છે,
ભૂંસાવા ક્યાં દીધો કક્કો હજી પાટીમાં રાખ્યો છે,
મલક કંઈ કેટલા ખૂંદ્યા બધાની ધૂળ ચોંટી પણ,
હજુ પણ મારો ધબકારો મેં ગુજરાતીમાં રાખ્યો છે.
- રઈશ મનીઆર
ઉમાશંકર જોષીની માતૃભાષા વિશે સુંદર કવિતા વાંચીએ...
સદા સૌમ્ય શી વૈભવે ઊભરાતી,
મળી માતૃભાષા મને ગુજરાતી.
રમે અન્ય સખીઓ થકી દેઇ તાળી,
સુધા કર્ણ સીંચે ગુણાળી રસાળી.
કરે બોલતા જે ભર્યા ભાવ છાતી,
રમો માતૃભાષા મુખે ગુજરાતી.
મળી હેમઆશિષ, નરસિંહ-મીરાં,
થયા પ્રેમભટ્ટ ને અખો ભક્ત ધીંરા,
પૂજી નર્મદે કાન્ત ગોવર્ધને જે,
સજી ન્હાનલે કલ્પનાભવ્ય તેજે.
ધ્રુવા સત્ય-સાથી અહિંસા સુહાતી,
નમો ધન્ય ગાંધીગિરા ગુજરાતી.
– ઉમાશંકર જોષી
આંતરરાષ્ટ્રીય માતૃભાષા દિવસ વિશે વધુ જાણકારી માટે આ લિન્ક પર ક્લિક કરો
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 20, 2026
આંતરરાષ્ટ્રીય માતૃભાષા દિવસ
શિક્ષણકુંજ દ્વારા આયોજિત આંતરરાષ્ટ્રીય માતૃભાષા દિવસ અંતર્ગત રાજ્યકક્ષાની ઑનલાઈન ઈ- સર્ટિફિકેટ ક્વિઝ
આંતરરાષ્ટ્રીય માતૃભાષા દિવસ વિશે જાણવા માટે નીચે આપેલ લિન્ક પર ક્લિક કરો.
ક્વિઝ આપ્યા બાદ પ્રમાણપત્ર મેળવવા માટે નીચે આપેલ લિંક પર ક્લિક કરો.
https://drive.google.com/drive/folders/19lYiCuTYrYCSBU7uwqujpku3Qk6sXzaQ?usp=sharing
ધન્યવાદ
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 19, 2026
ગીત-ગુંજન કવિ સંમેલન
કવિ સંમેલન : ગીત-ગુંજન માર્ચ, 2026
શિક્ષણકુંજ દ્વારા આયોજિત રાજ્યકક્ષાનું ઑનલાઈન કવિ સંમેલન, માર્ચ -2026
🎵 ગીત-ગુંજન 🎵
- તારીખ, વાર અને સમય :
તા. 22/03/2026, રવિવાર, સમય : સાંજે 4:00 વાગ્યે
માધ્યમ : ગૂગલ મીટ
- રજિસ્ટ્રેશન કરાવવાની તારીખ :-
તા. 21/02/2026 થી તા. 15/03/2026
ખાસ સૂચના :
રાજ્યકક્ષાના ઑનલાઈન કવિ સંમેલનમાં ભાગ લેવા માટે રજિસ્ટ્રેશન કરાવવું ફરજિયાત છે.
રજિસ્ટ્રેશન લિંક :- https://forms.gle/yruTksjeKtUTixv36
શિક્ષણકુંજ દ્વારા આયોજિત રાજ્યકક્ષાના ઑનલાઈન કવિ સંમેલન "ગીત-ગુંજન"માં ભાગ લેવા માટે સૌ પ્રથમ નિયમો વાંચવા, ત્યારબાદ રજિસ્ટ્રેશન કરવું.
નિયમો :
(1) 15 વર્ષથી વધુ ઉંમરના કોઈ પણ વ્યક્તિ રાજ્ય કક્ષાના ઑનલાઈન કવિ સંમેલનમાં ભાગ લઈ શકે છે. આ કવિ સંમેલનમાં સ્વરચિત કવિતાઓ, ગઝલો અને ગીતો રજૂ થશે.
(2) ઑનલાઈન કવિ સંમેલનમાં ભાગ લેનાર વ્યકિતએ પોતાની સ્વરચિત કવિતા, ગઝલ અથવા ગીત, ગુજરાતી અથવા હિન્દી ભાષામાં લખીને ઑનલાઈન રજિસ્ટ્રેશન લિંકમાં શ્રુતિ ફોન્ટ 12 ની સાઈઝ, વર્ડ ફાઈલમાં જ અપલોડ કરવી. PDF કે કાગળમાં લખીને અપલોડ કરેલી રચના ગ્રાહ્ય નથી.
(3) રાજ્યકક્ષાના ઑનલાઈન કવિ સંમેલનમાં પોતાની સ્વરચિત કવિતા, ગઝલ અથવા ગીતનું ગાન અથવા પઠન કરવાનું રહેશે અને પોતાની રચના સ્વરચિત છે તેવી લેખિત બાંહેધરી આપવી પડશે.
(4) રાજ્યકક્ષાના ઑનલાઈન કવિ સંમેલનમાં ભાગ લેનાર વ્યક્તિએ પોતાની સ્વરચિત કવિતા, ગઝલ અથવા ગીતનું ફક્ત ગુજરાતી કે હિન્દી ભાષામાં પઠન અથવા ગાન કરવાનું રહેશે.
(5) રાજ્યકક્ષાના ઑનલાઈન કવિ સંમેલનમાં ફક્ત ગુજરાત રાજ્યના અને ગુજરાતમાં વસવાટ કરતા હોય તે વ્યક્તિ જ ભાગ લઈ શકશે.
(6) રાજ્યકક્ષાનું ઑનલાઈન કવિ સંમેલન google meetના માધ્યમથી યોજાશે. તેથી ભાગ લેનાર વ્યક્તિએ પોતાના મોબાઈલમાં google meet એપ્લિકેશન ડાઉનલોડ કરીને રાખવી.
(7) રાજ્યકક્ષાના ઑનલાઈન કવિ સંમેલનમાં ભાગ લેનાર તમામ વ્યક્તિને આકર્ષક e-certificate (ડિજિટલ પ્રમાણપત્ર) આપવામાં આવશે.
(8) શિક્ષણકુંજના સંચાલકો દ્વારા પસંદ કરવામાં આવેલી 25 કવિતાઓ, ગઝલો અથવા ગીતોના રચયિતાઓને કવિ સંમેલનમાં તેમની રચનાનું ગાન અથવા પઠન કરવા માટે તક આપવામાં આવશે.
(9) રાજ્યકક્ષાના ઑનલાઈન કવિ સંમેલનમાં આપની સ્વરચિત કવિતા, ગઝલ અથવા ગીતનું ગાન અથવા પઠન કરવા માટે 5 મિનિટનો સમય આપવામાં આવશે.
(13) કોઈ પણ ધર્મ, જાતિ, જ્ઞાતિ, દેશ, સંસ્કૃતિ કે વ્યક્તિની લાગણીને ઠેસ પહોંચે એવી રચના રજૂ કરવી નહીં. રચનાની સંપૂર્ણ જવાબદારી જે તે વ્યક્તિની રહેશે.
(14) વર્ડ ફાઈલમાં નીચે આપનું પૂરું નામ, શાળાનું નામ, ગામ, તાલુકો, જિલ્લો અને મોબાઈલ નંબર ફરજિયાત લખવો.
(15) ઉત્તમ રચનાઓ શિક્ષણકુંજ ઈ-મેગેઝિનમાં ક્રમશ: પ્રકાશિત કરવામાં આવશે.
(16) આખરી નિર્ણય આયોજકોનો રહેશે.
વધુ માહિતી માટે અહિં ક્લિક કરો.
શિક્ષણકુંજ દ્વારા આયોજિત રાજ્ય કક્ષાના ઑનલાઈન કવિ સંમેલન "ગીત-ગુંજન"
અધ્યક્ષ
રશ્મિકાબેન મોદી
લેક્ચરર,
DIET- અમદાવાદ (ગ્રામ્ય)
અતિથિ વિશેષ
ભગવતદાન ગઢવી
મદદનીશ શિક્ષક
શ્રી ઝાડીયાણા પ્રા.શાળા
તા.પાટડી, જિ. સુરેન્દ્રનગર
પ્રેરક ઉપસ્થિતિ
શબનમ ખોજા
મદદનીશ શિક્ષિકા
શ્રી ગુંદાલા કુમાર પ્રા. શાળા
તા. મુંદરા, જિ. કચ્છ
કવિ સંમેલનના સંચાલક :-
ઉષ્માબેન શુક્લ
જિલ્લા શ્રેષ્ઠ શિક્ષિકા
શ્રી ભુજોડી પ્રાથમિક શાળા,
તા. ભુજ, જિ. કચ્છ
🏵 ઑનલાઈન કવિ સંમેલનના આયોજકો 🏵
(1) શ્રી દિનેશભાઈ ધનાભાઈ ચૌહાણ
તાલુકા શ્રેષ્ઠ શિક્ષક
શ્રી રૂણી પ્રાથમિક શાળા
તા. ધાનેરા, જિ.બનાસકાંઠા
મો. 9712824892
(2) શ્રી નરેન્દ્ર મણિલાલ કાલરિયા
તાલુકા શ્રેષ્ઠ શિક્ષક
શ્રી દીઘલિયા પ્રાથમિક શાળા
તા.વાંકાનેર, જિ. મોરબી
મો. 9722500197
(3) શ્રી રાજેશ ધનજીભાઈ ડાભી
તાલુકા શ્રેષ્ઠ શિક્ષક
શ્રી રંઘોળા પ્રાથમિક કન્યા શાળા
તા.ઉમરાળા, જિ. ભાવનગર
મો. 9898729975
🏵🏵🏵🏵🏵🏵🏵🏵
શિક્ષણકુંજ WhatsApp ગ્રૂપમાં જોઈન થવા માટેની લિંક
https://chat.whatsapp.com/FkkJoKhHCuYKHSXHneG1Jh?mode=gi_tImportant:-For better result always use google cromeNote:-Please Always Check and Conform Above Details with The Official Website and Advertisement / Notification.
February 19, 2026
20 ફેબ્રુઆરી આજનું દિન વિશેષ
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 18, 2026
19 ફેબ્રુઆરી આજનું દિન વિશેષ
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 17, 2026
18 ફેબ્રુઆરી આજનું દિન વિશેષ
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
February 16, 2026
17 ફેબ્રુઆરી આજનું દિન વિશેષ
Important:-For better result always use google cromeNote:-Please Always Check and Conform Above Details with The Official Website and Advertisement / Notification.
